Skip to main content

Narsami 1. maj

SIP-ip illuutaaniit kommunip allaffiata saavata tungaanut ingerlaaqatigiittoqarpoq, tassani oqalugiaqqaarluni Narsami SIP-mi siulittaasoq Helga Egede, maajip aallaqqaataani oqalugiarngaarluni.

Tamatuma kingorna Kommune Kujallermi borgmesterip tullersortaata siulliup Kiista P. Isaksenip borgmester Simon Simonsenip allallugu oqalugiaataa atuarpaa, tulliulluni oqalugiarpoq siumukkormiu Sten-Ole Jensen. Taassuma illoqarfiup Kuannersuarni aatsitassanik piiaanissaq allatut ajornartumik akuerisariaqaraa oqalugiaatigaa - uranitaqarpat uranitaqanngippalluunniit. Oqalugiartuni kingulliuvoq Niels Egede Inuit Ataqatigiinneersoq.

Oqalugiartoqareermat katersortarfimmi kaffi, tii kaagillu, sila nillerluni anorsaartoq qiiaffigereerlugu iluarusuutigineqarput.

– Oqalugiaatini tamani illoqarfiup suliffissaaleqiffiunera kisingajaat sammineqarpoq, taamalu partii apeqqutaatillugu Kuannersuarni aatsitassanik piiaaffeqalersinnaaneq sammineqarpoq. Arlaannilli piaartumik pisoqartariaqarnera tamarmik isumaqatigiissutigaat.

- Aamma tupigusuutigineqarsinnaavoq illoqarfeerannguami 160-inik suliffissaarusimasoqartumik ingerlaaqatigiinnermi 18-iinnaat peqataasinnaasimammata, marloriaataallu kommunip allaffiata saavani katersorneqarsinnaasimammata. Eqqarsaqqajaanarpoq inuit pissutsit soqutiginngikkaat, John Rasmussen sermitsiaq.gl-imut ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER