Nanu Børn aningaasannappoq

Grevemi Lions Clubip aningaasanik katersuiniarnermi Nanu Børn 80.000 kr.-nik katersuuppaa.

Søs Fengerip qalipagaa kaattaatsitsinermi 2.600 kr.-ilerlugu tunineqartup aningaasartai tamarmik Nanu Børnimut tunniunneqassapput. Ass.: Jesper Kunuk Egede.

netredaktion (netredaktion@sermitsiaq.ag)

sapaat 26. apr 2009 00:22

Annonse

Grevemi Nanu Børnimut aamma sapaatip akunnera Kalaallit Nunaannik sammisaqarfiusup ullumi ulloq kingullerpaartaraat. Sapaatip akunnerata ingerlanerani Julie Berthelsen aamma Søs Fenger tusarnaartitsipput, taakkulu aamma marlunnik qalipagaqarput ullumi kaattaatsitsinermi tamarmik tunineqartut.

Kaattaatsitsinermi ilaatigut Søsimit, Juliemit, Aviaq Mørchimit aamma Mads Nordlundimit assilialiat tunineqarput.

Sapaatip akunnerata ingerlanerani sinneqartoorutit suli iluamik naatsorsorneqanngillat, kisianni aaqqissuisut naatsorsuutigaat 80.000 kr.-nik sinneqartoornissartik, taakku tamarmik Nunatsinni Nanu Børnip suliniutaanut atorneqassapput.

Ataasiakkaat tunissuteqartut ilagaat Grevemi Venstre, checkimik 3.000 kr.-nik tunissuteqartoq.

nunatsinnit inuiagatigiit