Maryp niviarsiaraq napparsimasoq nallisorpaa

Prinsesse Mariep prinsilu inoorlaap Rigshospitalimut pularneranut atatillugu kunngissakkut niviarsiaraq 8-nik ukiulik Aasianneersoq saanermigut qaqutigoortumik nappaateqarnini peqqutigalugu issiavimmi assakaasulimmiittoq Rigshospitalimi ilassivaat.

Assi: Mikkel Khan Tariq, Polfoto.

Nukaaraq 8-nik ukiulik ullumikkut siusinnerusukkut kunngissaq Frederik kunngussallu nulia Mary naapikkamigit puigunaatsumik misigisaqarpoq, BT.dk allappoq.

Niviarsiarannguaq Aasianneersoq nissumigut napisoorsimalluni issiavimmi assakaasulimmiippoq, angutaatalu panimmi saanermigut qaqutigoortumik nappaateqarnera - taamalu napiasuunera - pillugu Frederik nassuiaappaa.

Peqatigitillugu Mary niviarsiaqqap saani seqqummerluni niviarsiaraq oqaloqatigaa.

Kunngissakkut napparsimmavissuaq qimatsinnagu kunngissaq Nukaaqqamut oqarpoq:

- Iluarsissaqqaarpoq.

Powered by Labrador CMS