Skip to main content

Uivertoqalernissaa peqqissaasut siulittuutigaat

Inatsisartunngortussat suliassaqarput nukinginnartumik. Politikerit peqqinnissaqarfiup aningaasaqarnikkut qanoq ililluni unittuunnginnissaa isummerfiginiartussaavaat, Nuummi Dronning Ingridip Napparsimmavissuani immikkoortortaqarfimmi peqqissaasoq oqarpoq.

- Isumaqatigiinniarnigut ingerlaqqissinnaajunnaaqqapput, peqatigitillugulu Inatsisartunut juunip 2-ani qinersisoqartussanngornerata kingunerisaanik nunatta napparsimmavissuani pissutsit uiveqqajaanermut assinguleriartorput, tamannalu ajoraluartumik uninngasunut annertusiartuinnartumik sunniuttarpoq, peqqissaasut kattuffianni PK-mi siulersuisuni ilaasortaq Naja Kriegel knr.gl-imut oqarpoq.

Ajornartorsiorneq uani aggersoq Naja Kriegelip paasinnittaasia naapertorlugu siulianik ajornartorsiornermit ungasinngitsukkut qaangikkatsinnit ajornerussaaq.

- Uninngasuutigut peqqinnginnerulersimapput napparsimmavimmut unitsinneqarnissaminnut sivisuallaamik utaqqivallaareersimagamik. Naluneqanngitsutut napparsimasut pisariaqartitsivissut kisiisa unitsittarpagut. Napparsimasup unitsinneqarnissaa sivitsoriartortillugu taamalu aallaqqaammut akornuteeqqanik taasartakkatsinnik suliaritinnissaralua pinngitsoorpat ajoqutaa ajorsuiartuinnassaaq. Uanga nammineq malugisinnaavara uninngasut massakkut maaniittuutigut assut peqqiilliortut, Naja Kriegel oqarpoq.

Inatsisartunut qinersisussanngornermut peqqutigalugu akissarsiatigut isumaqatigiinniarnerput uninngammat aasaanerani sulinngiffeqarneq qaangiutereertinnagu susoqarnavianngitsoq, Naja Kriegel isumaqarpoq.

- Politikerit paasitinniartariaqarput maani nunami peqqinnissaqarfik nutaaliaanerusoq ullutsinnullu naleqqunnerusoq aningaasarpassuarnik akeqarmat. Taannartaalu politikerit akisussaaffigaat, immikkoortortami peqqissaasoq Naja Kriegel naggasiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER