Skip to main content

Malimmi ipigaluartoq

Angut inuusuttoq Nuummi naluttarfimmi ippassaq unnukkut ipigaluarnermi kingorna respiratorimiippoq.

Nuummi naluffarfimmi ippassaq unnukkut ipilluni ajunaartoqarmat annaassiniarnermik suliat tamaasa aallartippaat. Angut inuusuttoq maanna uummarteqqinneqarsimalerpoq, kisianni Dronning Ingridip Napparsimmavissuani suli resperatorimiilluni, knr.gl allappoq.

- Angut inuusuttoq 25-30-t missaannik ukiulik naluttarfiup naqqani kiveqqasoq takuneqarpoq. Naluttarfimmi annaassiniartartut qaqillugu anersaartunngimmat ingerlaannaq uummarsarlugu aallartippaat. Ambulacet ingerlaannaq takkupput angullu Dronning Ingridip Napparsimmavissuanukaallugu. Naluttarfiup annaassiniartartuisa uummarsaanertik ambulaceni ingerlatiinnarsimavaat. Napparsimmavimmut apuunnermi nakorsat angutip uummataa aallarteqqippaat, kisiannili suli anersaartoqqilernani, naluttarfimmi pisortaq Calle Tøtrup radioaviisimut nassuiaavoq.

Nakorsaq ippassaq unnukkut qulit missaanni nalunaaruteqarpoq, maanna anersaartulersimasoq, kisiannili angut anersaartorniarnerminik respiratorimik ikiorsertariaqartoq.

Pissutsit ullumi sapaammi allanngunngillat, kisianni respiratorip aqagu peersinnaalernissaa nakorsat neriuutigaat.

Nakorsat naapertorlugit angut inuusuttoq aniguissappat tamanna annaassiniartartut pisuussutigigaat, taakkua annaassiniarsimanerat sungiussisimarpalulluinnartumik ingerlanneqarsimammat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER