Timmisartuussinissat taamaatinneqarput

Nuummi anorerlerpallaarnerata kingunerisaanik Kangerlussuup, Nuup Maniitsullu akornanni ullup sinnerani timmisartuussinissat Air Greenlandip taamatippai.

Ullaaq timmisartoq Nuummiit Kangerlussualiartoq siulleq aallareersorlu anori sakkortusiartulerpoq, silasiortullu naatsorsuutigaat Nuummi sila pitsanngorpat silapiluk avannamut ingerlaassaasoq.

Taamaattumik Air Greenlandimi angallannermut aqutsisoqarfik aalajangerpoq Airbus 330-200 Norsaq, piffissaq eqqorlugu ullumi ulloqeqqata siorna tikittoq, Kangerlussuarmi unnuitinniarlugu. Danmarkiliartussallu tassunga aqagu ilaassapput, aqagu neriuutigisatsitut Kangerlussuarmut apuutissagunik.

Angallannermut aqutsisoqarfimmi maannakkorpiaq aqagumut timmisartuussinissanut pilersaarusiorput, www.airgreenland.gl-imilu tikifissat aallarfissallu nutaat malittarineqarsinnaapput.

Powered by Labrador CMS