Skip to main content

Qulimiguulimmi aquttunngorniat tapisisalissapput

Januaarimi 2010-miit qulimiguulinnik aquttunngorniarluni nunani allani ilinniarneq ilinniagaqarnersiuteqaataasinnaalissaaq, aningaasartuutilli ilarujussui ilinniartut suli namminneq akilertassavaat.

Ukiuni arlaqartumi nunani allani qulimiguulinni pilotitut nammineerluni ilinniarniarnissanut Namminersornerullutik Oqartussaniit ilinniarnersiutinik qinnuteqartoqartarsimavoq.

Qinnuteqartut tamarmik Namminersornerullutik Oqartussanit itigartinneqartarsimapput, qinnuteqartullu ilaasa ilinniarneq akisooq namminneq akilerlugu qulimiguulinni pilotinngorneq piumaneqaqisoq angusarpaat.

Namminersornerullutik Oqartussat Air Greenlandillu isumaqatigiissutaat atuuttoq suluusalinni inuussutissarsiutigalugu timmisartortartunngorniartunut taamaallaat atuuppoq.

Qulimiguulinnili pilotinngorniat timmisartuni suluusalinni pilotinngorniatulli 2010-mi januaarimiit periarfissaqalissapput.

Naalakkersuisut qulimiguulinni pilotinngorniarneq akuersissutigeqqammerpaat, ilinniagaqarnissamullu isumaqatigiissut Air Greelandimit Namminersornerullutik Oqartussaniillu kingusinnerpaamik maajip aallaqqaataani atsiorneqartussatut naatsorsuutigineqarpoq.

- Naalakkersuisut akuersinermikkut naqissuserpaat, suluusalinni qulimiguulinnilu pilotinngorniartarnerit siunissamut aningaasaliissutaasut pitsaasut. Isumaqatigiissutillu qulakkeerpaat siunissami timmisartortartut pisariaqartinneqartut amerlanersaat Kalaallit Nunaanneersuusinnaanerat, TUsagassiivik allappoq.

Qulimiguulinni pilotitut ilinniarnerup annersaa USA-mi pissaaq, sivikinnerusumik Englandimi ilallugu. Ilinniarneq tamakkerluni qaammatini 14-ini ingerlanneqarsinnaassaaq.

Qulimiguulinni suluusalinnilu timmisartortartunngorniarluni ilinniarnerni ilinniartup nammineq akiligassai 350.000-niit 400.000-t tungaannut annertussuseqarput. Aningaasartuutillu taakku ininniartitaanermut aqutsisoqarfimmiit (USF) attartorneqarsinnaalerput, ilinniarnerullu nalaani erniat taarsersuinerillu akilersorneqassanngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER