Skip to main content

Bransonip sermersuaq annaanniarpaa

Virgin Atlantic Kastrupimiit Kalaallit Nunaannut timmisartuussivimmik ammaaniarpoq sinneqartoorutillu ilaat Verdensnaturfondenimut tunniunniarlugit - Naatsorsuutigineqarpoq Sir Richard Bransonip timmisartuussivik Københavnimi ammassagaa.

SAS Danmarkip Københavnip Kalaallit Nunaatalu akornanni aasaanerani timmisartuussivik matoqqammerpaa. Taamaasilluni Air Greenland timmisartuussivimmi kisimi timmisartuussisalissaaq - tassa Virgin Atlanticip timmisartuussisalernissaata tungaanut.

Nunarsuarmi timmisartortitseqatigiit tusaamasaanersaat siullerpaamik Københavns Lufthavnimiilissaaq - Virgin Atlantic Nunani Avannarlerni mittarfiit annersaannit Kalaallit Nunaannuæt timmisartuussivimmik nutaamik pilersitsiniarpoq, taamatut allappoq nutaarsiassaqartitsivik Take Off.

- Kalaallit Nunaat toqqarneqarsimavoq nunarsuup kiatsikkiartornera, ilaatigut Kalaallit Nunaanni sermit sukkasuumik aakkiartornerannik kinguneqartup, annertunerusumik sammitinniarlugu, Virgin Atlantic oqarpoq.

Virgin Atlanticip sinneqartoorutit ilaat ilaatigut Verdensnaturfondenip nunatsinni sermersuaq annaanniarlugu suliniuteqarneranut tunniunniarpai.

Sir Richard Bransonip avatangiisinik soqutiginninnerujussua pissutigalugu naatsorsuutigineqarpoq Københavns Lufthavnimut takkutissasoq timmisartuussiviup nutaap ammarnissaanut, qaqugu pinissaa suli ilisimaneqanngitsumut, peqataajartorluni.

SALLOQITTAAT!

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER