Skip to main content

Kommune Kujalleq

Kujataani kommunerujussuaq silap allanngoriartorneranik pakkersimaarinninniarpoq.

Kommunit nutaat pilersaarusiornerminni aallaqqaataaniit minguitsuutitsiniarneq ilisarnaatigisariaqarpaat, Kommune Kujallermi illussanik titartaasaroq Birger Kristoffersen knr.gl naapertorlugu inassuteqarpoq.

Kujataani kommunitoqqat pingasut tamarmik avatangiisinik mianerinnittuupput, tamannalu kommunip attanniarpaa avatangiiseq kommunimi pilersaarusiornermi eqqaamasassanut ilaasassalluni. Erngup nukinganik innaallagissiorfik tamatumunnga minguitsuutitsiniarnermut ersiutaareerpoq, aammali Qaqortumi eqqakkanut ikuallaavik avatangiisinik piujuartitsiniarnermut suliniuteqarnermi ilaareerpoq.

- Maannakkut Qaqortumi ikuallaaviup allineqarsinnaajunnarnera misissuiffigaarput, taamaalilluni maani kujataani illoqarfinnik marlunnik allannik, ullumikkut eqqakkanut ikuallaaveqanngitsunik, aamma atorluarneqarsinnaaniassammat. Soorlu assersuutigalugu misissorparput Narsamiit eqqakkat ikuallanneqarsinnaasut Qaqortumut qanoq ilillugit assartorneqarsinnaanersut, tamaanilu ikuallallugit, illussanik titartaasartoq knr.gl-imut oqarpoq.

Kommunit nutaat sisamat tamarmik kommunimut pilersaarusiortussanngorput ineriartornermi sinaakkusiisussamik, taamaaliornermilu minguitsuutitsinissaq eqqarsaatigineqarsinnaavoq, Birger Kristoffersen inassuteqarpoq.

Qaqortormiu seqernup qinngornerinik iluaquteqarluni atuinissamik aallartitsisimasoq tassaavoq Arne Kyed, Taannalu Birger Kristoffersenitut isumaqarpoq Kujataani nunap qorsooqqinnerata innuttaasut avatangisinik mianerinnerannut pisuutaasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER