Skip to main content

Højskoli pisortassarsiorpoq

Sisimiuni Knud Rasmussenip Højskolia nutaamik forstanderissarsiorpoq.

Højskolip maanna forstanderiata Jakob Møller Lyberthip ukiunut pingasunut isumaqatigiissutini, aasaru naasussaq, sivitsorusussimanngilaa. Oqaatigaa højskolip aningaasaqarnerata, 1 million koruuninik amigartooruteqarluni artukkerneqarsimasup, ilorraap tungaanut saateqqinniarnera nukipparujussuarnik atugaqartitsisimasoq.

Taamaattumik ilinniartitsisuinnartut ingerlaqqikkusunneruvoq, taanna sermitsiaq.gl.-imut oqarpoq.

– Aningaasaqarniarnerup ilorraap tungaanut saatinniarnera artornarsimaqaaq, politikerillu aningaasanut inatsisikkut suli annertunerusunik sipaaruteqarnissamik aalajangersimanerat suliamut oqilisaaqataasimanngilaq, Jakob Møller Lyberth oqarpoq.

Oqaatigaa Knud Rasmussenip Højskoliani aamma Qaqortumi Sulisartut Højskolianni siulersuisut aningaasanut inatsisikkut sipaarutit aningaasaqarniarnikkut kinguneqaataat maanna isumaliutigigaat. Ajornerpaaguni tamatuma kingunerisinnaavaa højskolip aappaata matunissaa, Jakob Møller Lyberth mianersoqqusivoq.

– Politikerit aalajangertariaqarpaat højskolit qanoq pineqassanersut. Pikkorissartitsinernit isertitat kisimik ingerlatsinermut atorneqarsinnaanngillat, højskolimi forstanderi tunualersoq oqarpoq.

Knud Rasmussenip Højskoliani forstanderitut atorfimmut qinnuteqarfissaq apriilip 14-iannut killeqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER