Nakorsat amerlanerulernissaat atsiortitsilluni sulissutigaa

Qasigiannguani innuttaasut nakorsaqarnikkut pissutsit naammagittaalliutigalugit illoqarfimmi nakorsat ikinnerpaamik marluuniisaat anguniarlugu atsiornernik katersilersimapput.

90-it sinneqartut atsiorlutik Qasigianguani nakorsat marlunngornissaat piumasaraat. Assi: Jørgen Chemnitz

– Isumaqarpunga pissutsit maannakkorpiaq erloqinartuusut, Inge-Marie J. Rosing sermitsiaq.gl-imut oqarpoq.

Qasigiannguani innuttaasut isumaqarput illoqarfimmi marlunnik nakorsaqartussaagaluartoq ataasiinnarmik nakorsaqarneq ilungersunartuusoq. Nakorsat amerlassusissaannut aalajangersakkap nutaap Inge-Marie J. Rosingi atsiornernik katersuisilersimavaa, maannakkutut nakorsat marluunissaat piumasariniarlugu.

Katsersuineq marsip 20-ani ullumikkullu apriilip 7-iani ingerlanneqarmat atsiornerit 100-ngajaat Peqqissutsimut Naalakkersuisoqarfimmut nassiussimavai.

– Peqqinnissaqarfinnik aqutsisuniit qisuariartoqarnissaa neriuutigaara, tassami manna akuersaarneqarsinnaanngilluinnarpoq, Inge-Marie J. Rosing oqarpoq.

Taassuma oqaatigaa Qasigiannguani innuttaasut 2007-imi 1.248-sut, Ikamiuni innuttaasut ilanngullugit. Atuartut ilinniartitsisullu efterskolimut aasaanerani atuanngiffeqareernerup kingorna tikiussulerpata kisitsisit amerlanerulersussaapput, Inge-Marie J. Rosing

Powered by Labrador CMS