Piniartussat nutaat pissarsiariniarpaat

Uummannami aalisarnermut piniarnermullu ilinniarfik aggustimi aallartissaaq.

Ilinniarsimanermut uppernarsaatitaarlutit aalisartunngorsinnaallutillu piniartunngorsinnaavutit. Assi: Leiff Josefsen

Uummannami aalisarnermut piniarnerullu ilinniartussanik inuusuttunik aviisini allagarsiussatigut ulluni makkunami pilerisaarisoqarpoq. Inuusuttut ukiuni marlunni tunngaviusumik ilinniarnissamut neqeroorfigineqarput, ukiut marluk kingorna ilinniaqqinnissamut periarfissaqarluni.

Inuussutissarsiutigalugu aalisartunngorusukkaanni piniartungorusukkaanniluunniit internetimi nittartagaq sunngu.gl iserfigineqarsinnaavoq, tassani paasissutissat sukumiinerusut pissarsiarineqarsinnaallutik. Qinnuteqarnissamut piffissaliussaq maajip 1-ianut killeqarpoq.

Powered by Labrador CMS