Nanu Børnimut akitsorterussineq
Peqatigiiffik Nanu Børn Greve Lions Club peqatigalugu Grevemi Kalaallit Nunaat pillugu sapaatip akunneqartitsissaaq. Pisut pingaarnerit ilagissavaat qalipakkanik ilaatigut Jens Kromannip qalipagaanik akitsorterussineq.
Aaqqissuussineq apriilip 20-anniit 25-annut ingerlanneqassaaq.
Jens Kromannip saniatigut Aviaq Mørchip, Mads Nordlundip aamma Julie Berthelsenip suliaat kaattaanneqassapput.
Sinneqartoorutit tamarmik Nanu Børnip suliniutaanut atussapput.
Julie Berthelsen aamma sapaatip akunneqartitsinerup ingerlanerani erinarsussaaq, aamma erinarsoqatigiit Aqisseq erinarsussapput, kaffeqassaaq, titartaasitsisoqarluni, eqqumiitsulianik uumassusilinnik saqqummersitsisoqassalluni kiisalu Københavnimi Tranhusimiit kalaallit eqqumiitsuliaannik tuniniaaveqassalluni.
Jens Kromannip qalipagai Nanu Børnikkut tunniussisumit aterminik isertuusserusuttumit tunissutisiarisimavaat.
Aamma internet aqqutigalugu kalaallit katersisartut eqqumiitsulianik akitsorterussinermut apriilip 25-anni danskit nalunaaqutaat malillugu nal.14 - 16 neqerooruteqarsinnaassapput.
Kalaallit Nunaannut tunngasumik sapaatip akunneqartitsinissamut atatillugu aamma pappiaqqat makitsissutissat tuniniarneqassapput, ataaseq 40 kr. Eqqugassat pingaarnersarissaat Kalaallit Nunaanni Angalalitseqatigiiffimmeersuuvoq - inersimasumut ataatsimut meeqqamullu ataatsimut Kangerlussuarmi juullip inuanut angalaneq.
Aaqqissuussisut makitsissutissanik 1000-inik tuniniaassapput, eqqugassartalittaat 120-ussallutik. Najukkami eqqaamiunilu aningaasaliissorpassuit/tunissuteqartorpassuit Lions Clubip aaqqussugaanut tunissuterpassuarnik tunisisut saniatigut aamma Nordic Adventure, Air Greenland, Kalaallit Nunaanni Angalatitseqatigiit, Tranhuset, Greenland Today aamma Greenland Tourism tapersiissuteqarsimapput.