Kalaallit Nunaanniit tikeraat pillugit atuagaq saqqummersinneqalerpoq
Fredericiami eqqaanilu inuttaasut ukiuni 40-ni illoqarfittut ikinngutigiinnerup ilaattut suliniutitut meeqqat Iluliarmiut meerarsiarisarsimavaat. Tamannalu atuakkamik saqqummersitsinikkut nalliussineqassaaq.
Fredericia Byråd Ilulissaniit meeqqat tikeraartarnerat pillugu atuakkiarineqarniartumut 15.000 koruuninik tapiissuteqaqqammerpoq. Atuakkami ukiunik 40-unngortorsiorneq nalliussineqassaaq. Taamatut oqaluttuarpoq kalaallit nunaannut pillugu aamma kultureqarnermut sunngiffimmilu ataatsimiititaliami siulittaasoq, John Bech Hansen (S) Fredericia Dagbladimut.
Atuakkami suleqatigiinneq immikkut illuinnartoq apersuinerit, paasissutissat piviusut aamma Ilulissaniit, Fredericiamiit, Vejlemiit aamma Middelfartimiit allakkatigut ilanngussat tunngavigalugit ilisaritinniarneqarpoq, pilersaarutaavorlu 1000-ingorlugu naqinneqarnissaa.
Atuakkamik aaqqissuisooqatigiit tassaapput Jørgen Runge Madsen, Johannes Thorsen, Kirsten Berntsen aamma Jørgen Clausager, saqqummersitsiviussaarlu Lokalhistorisk Arkivs forlag.