Skip to main content

PCB-mik imaanut igitsineq sianiilliorneruvoq

Lastbiilit 60-it ulikkaarlugit eqqagassanik avatangiisinut ulorianartunik imaanut igitsineq torrallataavallaanngilaq, immikkut ilisimasalik oqarpoq. Qularnanngilarli Kalaallit Nunaata eqqaani imaanik imatorsuaq allanngortitsinavianngitsoq.

Blokkit R-ip aamma S-ip piiarneranni sinnikut 1000 kubikmeterit missaannik annertussuseqarput, imaluunniit lastbiilit 60-it missaanniittut ulikkaarlugit. Eqqagassat umiarsualiviup qeqertaasa eqqaanni imaanut iginneqarput, avatangiisinut ulorianartunik, soorlu PCB-mik, akoqarnersut misissoqqaarnagu.

Tamatuma kingorna paasineqarpoq blokkip isatikkap kingulliup, blok Q-p, saqqaata qalipaatai, pingaartumik isuisa, svalegangiisa aneersuartarfiisalu qalipaataat PCB-mik akoqartut.

- Torrallataavallaanngilaq eqqagassat avatangiisinut ulorianartullit lastbiilit 60-it ulikkaarlugit imaanut iginneqarnerat. Taamatut oqarpoq Thomas Hougaard, Golder Associates-imi avatangiisinut biologi. Taassuma illunit PCB-t piiarnissaat immikkut ilisimasaqarfigaa, ing.dk. allappoq.

– Qularutissaanngilaq eqqagassat ulorianartut iginneqarnissaannut malittarisassat unioqqutinneqarluinnarsimasut. Stoffit taamaattut nakkutigineqarsinnaanngitsumut iginneqarsinnaanngillat, Hougaard erseqqissaavoq.

Uiertoqalernissaali mianersoqqussutigaa. Siullermik oqaatigiuminaatsorujussuuvoq eqqakkat qanoq annertutigisumik PCB-mik akoqarnersut. Aappassaanik taassuma naliliinera malillugu killilerujussuuvoq PCB qanoq annertutigisoq imaanut iginneqarsimanersoq.

– Pisimasoq torrallataavallaanngilaq, uivertoqassanngilarli, taanna tikkuaavoq.

Tamatuma saniatigut Kalaallit Nunaata eqqaani ima ima PCB-qartigaaq, qularnanngitsumik pisimasoq ajoqutaavallaassanani, ing.dk allappoq.

Suli ilisimaneqanngilaq sanaartukkat sinnikui qanoq annertutigisumik PCB-mik akoqarnersut. Sapaatip akunnerani tullermi COWI nalunaarusiussaaq, blok Q qanoq annertutigisumik PCB-mik akoqarnersoq qulaajaasumik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER