Skip to main content

Nunaqarfiit siunissartik akisussaaffigissavaat

Qaasuitsup Kommuniata akisussaaffiit annertuut nunaqarfimminut 32-nut agguaappai.

Kalaallit Nunaanni nunaqarfiit piitsuunerpaat 11-t ilaat arfineq-marluk Qaasuitsup Kommunianiipput.

Tamanna takuneqarsinnaavoq 2007-imut aningaasarsianut kisitsisitigut takussutissiakkut, Kalaallit Nunaanni Naatsorsueqqissaartarfiup saqqummiuteqqammigaani.

Kisitsisitigut takussutissiaq nunaqarfiit siunissaannik oqallinnermi, marlunngornermi aprilip 28-ianni nunaqarfinni aqutsisunik qinersinissamut atatillugu ingerlanneqartumi, pingaaruteqarpoq.

Kisitsisitugit takussutissiap takutippaa 2007-imi illoqarfimmiu koruunimik ataatsimik aningaasarsioraangat, nunaqarfimmiu taamaallaat 55 ørenik aningaasarsiortarpoq.

Qaasuitsup Kommuniani borgmesteri Jess Svane, Siumut, oqarpoq nunaqarfimmik 32-t siunissami periarfissaat kommunalbestyrelsip arajutsisaatsorujussuugai.

Nunaqarfiit aalajangersimasumik angissusillit matuneqarnissaat oqaluuseriumanngilluinnarpaa, oqaluusererusunnerulluguli nunaqarfiit inuussutissarsiornikkut siunissaat.

– Kommunitsinniipput Ilimanaq 86-inik inulik Oqaatsullu 52-inik inullit, Jess Svane oqarpoq.

– Nunaqarfiit taakkua marluk eqeersimaartumik inuussutissarsiorfiupput, aalisarnermik takornariaqarnermillu tunngavilimmik. Nunaqarfiit taakkua marluk matussallugit tunngavissaqanngivippoq, pissutigiinnarlugu 100-t inorlugit inoqarmata.

Piitsuunerpaat 10

Kalaallit Nunaanni nunaqarfinni piitsuunerpaani 11-ni 2007-imi agguaqatigiissillugu aningaasarsiat akileraaruteqaataasussat:

  1. Sermiligaaq, Sermersooq, 66.000 kroner
  2. Naajaat, Qaasuitsup, 73.000 kroner
  3. Siorapaluk, Qaasuitsup, 74.000 kroner
  4. Kuummiut, Sermersooq,76.000 kroner
  5. Tiniteqilaaq, Sermersooq, 76.000 kroner
  6. Nuussuaq, Qaasuitsup, 76.000 kroner
  7. Kullorsuaq, Qaasuitsup, 76.000 kroner
  8. Isortoq, Sermersooq, 77.000 kroner
  9. Upernavik Kujalleq, Qaasuitsup, 78.000 kroner
  10. Savissivik, Qaasuitsup, 82.000 kroner
  11. Attu, Qaasuitsup, 82.000 kroner

Paasisaqarfik: »2007-imi aningaasarsiat« Kalaallit Nunaanni Naatsorsueqqissaartarfik.

Allaaserisap sinnera Sermitsiami nutaami atuaruk...

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER