Skip to main content

Inatsisartunut qinersineq juunip 2-at 2009

Nutartigaq: Naalakkersuisuni siulittaasup Hans Enoksenip, Siumut, inatsisartunut qinersisoqarnissaa nalunaarutigeqqammerpaa.

Marlunngornermi juunip 2-anni, sap.ak. arfineq-marluk qaangiuppata, inatsisartunut qinersissaagut.

- Aappaagumut aningaasanut inatsit namminersornerlu naalakkersuisunit nutaanit siuttuuffigineqartariaqarput, Hans Enoksen oqarpoq.

Qinersinissamik nalunaarut nal. 11.00 tusagassiortunik katersortitsinermi pivoq - katersortitsinermut 25 minutsiinnanngortut aggersaasoqarluni. Naalakkersuisut siulittaasuata suleqataasa qaninnerpaat kisimik ilisimavaat qinersinissaq nalunaarutigineqassasoq, Tusagassiivimmiluunniit ilisimaneqanngilaq suna pillugu tusagassiortut qaaqquneqarnersut.

Hans Enoksen marlunnik pissuteqarpoq sooq qinersinissaq massakkut nalunaarutigineqarnersoq kiisalu sooq ulloq 2. juni toqqarneqarnersoq.

- Namminersorneq juunip 21-anni eqqunneqartussaavoq, naleqqunnerpaasoraaralu innuttaasut aperissallugit kikkut namminersornermi siuttorerusunneraat. Saniatigut pissusissamisoorpoq inatsisartunngortussat naaakkersuisunngortussallu piareersarnissaannut piffissaqarluartissallugit, taamaattumik 2. juni toqqarpara, Hans Enoksen oqarpoq.

Naalakkersuisut siulittaasuata pingaartinnerarpaa ukiuaru inatsisartut nutaat ataatsimiinneranni aappaagumut ukiunullu tulliuttunut aningaasanut inatsimmik piereersimasoqarnissaa, utaqqiisaasumik kinguarsaataaginnartussamillu peqarani.

Hans Enoksenip massakkut qinersinissamik nalunaaruteqareq naalakkersuisooqatigiinnermi ajornartorsiuteqarbermik pissuteqannginnerarpaa.

- Atassullu suleqatigiinnerput pitsaalluinnarpoq, Enoksen tusagassiortunut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER