Innuttaasut ikiliartorput
Innuttaasut 2007-imi 56.648-niit 2008-mi 56.462-inut ikileriqarsimapput. Inuit 186-it ikileriaataapput.
Innuttaasut ikileriarnerannut 2007-imi nuuttut nunasisuniit amerlanerusimanerannik peqquteqarpoq.
2007-imi inuit nunamut allamut nuuttut 2.983-iusimapput, nunatsinnut nuuttut 2.417-iusimallutik. Nuuttut 566-inik tikittunit amerlanerusimapput.
2007-ip ingerlanerani meeqqat 853-it inunngorsimapput, inuit 451-it toqusimallutik. Inunngortartut toqusunit 402-nik amerlanerusimapput.
2001-imiit 2008-mut ukiut tamaasa inuit Kalaallit Nunaanniit nuuttartut tikittartuniit ukiuni taakkunani amerlanerusarsimapput. Taamaalilluni inuit 2.537-it nunatsinnut nunasisimapput, nunatsinniit nuuttut 3.175-iullutik. Nunanut allanut nunasisut nunatsinnut nuuttinit 638-inik amerlanerusimapput.
Qeqqata Kommuniani taamaallaat innuttaasut 2008-miit 2009-mut amerleriaateqarsimapput, kommunerujussuit sinneri innuttaasumikkut ikileriarnerit malugisimagaat. Inuttussutsimut tunngatillugu Kujalleq Kommuniani malunnarnerpaasimavoq.
Paasissutissat tamakku saqqummersitami ”Innuttaasut nuttarnerat 2007”-mi takuneqarsinnaapput, taanna Kalaallit Nunaanni Naatsorsueqqissartarfiup nittartakkamini www.stat.gl-imi saqqummerseqqammerpaa.