Skip to main content

Efterskolimi atuartunut aningaasat oqarasuaatillu angallattakkat

Sisamanngormat Gribskov Efterskolemi kalaallinut atuartunut ikiuutissat anngupput. Atuartut pigisatik tamaasa annaavaat qaammat ataaseq qaangiuttoq atuarfik ikuallammat.

Namminersornerusut aningaasaliissutaasa atuartumut ataatsimut 2.000 koruunit saniatigut inuit aamma suliffeqarfiit akornanni 7.000 koruunik katersuiniarnikkut atuartunut pissarsiarineqarsimapput, knr.gl allappoq.

Taakku amerlanersaat pasinut aamma sygesikringskortinut nutaanut atorneqassapput. Tamakku saniatigut ilinniagaqartunut siunnersortik Pia Rosing Heilmann aamma inunnik isumaginnernermi ataqatigiissaarisqo Katrine Kleist Københavnimi Kalaallit Illuutaanneersut Tele Greenlandimiit puusiamik oqarasuaatinik angallattakkanik imalimmik nassarput.

Oqarasuaatit nutaaviunngikkaluarput, tassaallutilli Telep pisiniarfiini saqqummersitatut atorneqarsimasut, atuartullu assut qujarullugit taakku tiguaat.

Maannakkut qaammat ataaseq qaangiuppoq Gribskov Efterskole ikuallammall. Ikuallanneq pivoq nukappiaqqat marluk igalaakkut pappiaqqat ammalorsakkat ikumasut miloriuttarlugit pinnguartillugit.

Efterskole pilertortumik atuarfiup arsaattarfiani barakinik illuaraliortitsisimavoq, atuartut ukiup atuarfiusup sinnera taakkunani najugaqartussaapput. Poorskimi atuanngiffiup kinguninngua taakkunanut nutsersimapput. Ilinniagaqartunik siunnersorti Pia Rosing Heilmann, ikuallannerup kingorna inuusuttuaqqanik efterskolimi atuartunik attaveqartarsimasoq, pulaareernermi kingorna isumalluarpoq.

- Tamanna eqqissisimallutik ajunngitsumik atorpaat, uteqqissimanertillu ikinngutitik ilageqqilerlugit nuannarisutut ippaat kiisalu avatangiisini nutaani toqqissisimasutut misigisimapput, Pia Rosing Heilmann oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER