Issitumi inatsisinik ilisimatuunngorit
Issittumi inatsisinik ilisimatusarsinnaaneq Akureyrimi universitetip neqeroorutigaa
Qaffasissumik ilinniagaqartut eqqartuussissuserisullu issittumi inatsisinik imikkut ilisimatusarsinnaalerput. Akureyimi Universitetip nunarsuarmi siullersaalluni neqeroorutigaa bachelorinngorniartut universitetimilu naammassillutik soraarummeersimasut issittumi inatsisinik ilisimatusarsinnaasut, Ilisimatusarfik ilaatigut suleqatigalugu, knr.gl allappoq.
Nunami immanilu Issittumi Sikuiuitsumilu Kujallermi inatsisit atuuttut issittumi inatsisinik ilisimatusarnermi eqqarsaatigineqarput. Inuttut pisinnaatitaaffiit, imarsiornermut inatsisit silallu pissusaata allanngoriartornera ilaatigut pineqarput, taava aamma issittumi inuttut pisinnaatitaaffiit namminersornerlu atuartitsissutigineqassapput. Issittumi Siunnersuisoqatigiit taama ilisimatitsipput.
Issittumi inatsisinik ilisimatusarusuttut pisortat isumaginnittoqarfiini, peqatigiiffinnilu issittoq pillugu ilisimasaqarnerulerusuttuni sulisinnaassapput.
Ulloq qinnuteqarfissaq kingulleq tassaavoq apriilip ulluisa 15-iat.