SAS-ip nunatsinnut aqqut matuaa
SAS-ip Kangerlussuarmut aqqut ingerlaannartumik matuaa, ilaasussalli billetsisereersimasut Air Greenlandimit "kigornunneqassapput".
Københavnimit Kangerlussuarmut aasaanerani timmisartuussisarneq SAS-ip ingerlaannaq atuutilersumik matullugu nalunaarutigaa, timmisartuussivigisartakkanik aaqqissuusseqqinnermik tunngaveqartumik.
SAS-imulli ilaallutik Kalaallit Nunaannut angalanissamik qilanaarisamillu piviusunngunnginnisaat annilaangassutigissanngilaat, Air Greenland nalunaarpoq.
Air Greenlandip SAS-imut isumaqatigiissuteqarfigaa bilitsisisimasut 3600-t missaat Air Greenlandip timmisartuussinissaanut nuunneqassasut. Taakkulu tamangajalluinnarmik pilersaarutit malillugit ullormi apuuffissaminni tikissapput.
- Nunannaarutigaarput pisariaqartitsisariaqalernissaq naapertorlugu immikkut timmisartuussinissanik ikkussereernikuugatta, taamaattumillu atuisunut iluaqutaasussamik SAS-imut ikiuussinnaavugut, Air Greenlandip pisortaanera Michael Binzer oqarpoq.
Ilaasussat pineqartut toqqaannaq attavigineqassapput.