Skip to main content

Frederik kiilkinut ajoqusertoq

Kunngissaq Frederik kiilkinik ajutoornermi kingorna marlunngornermi Rigshospitalimi suliaritippoq.

Issersuarmi qimussimik Kalaallit Nunaat itivippaa. Angallammini mallersumi orraaneranit igeriunneqartaraluarpoq, aamma sakkutuutut sakkortunerpaamik ilinniartitaanermik ingerlatsivoq - tamannalu aqqutigalugu sakkutuutut ilinniagaq sakkortunerpaamik ilinniagaqarluni - frømanditut - naammassilluni. Tamakku tamaasa aqqusaarpai nimaanngiivilluni.

Kisianni tassa qitornanilu kiilkerneq Danmarkip kunngissaata pissarsuup saperpaa, metroxpress.dk taamatut allaaserisaqarpoq.

Sapaatit akunnerisa marluk matuma siornatigut ilaqutariit Schweizimi sisorariarlutik feeriarnerminni Frederik kælkinik sisoortarfimmi meeqqani marluk, Christian aamma Isabella, pinnguaqatigalugit nakkarnermigut kanaamigut ajoquserpoq.

Ajutoornera tasisuasumik sukangasuumik iluaquserneqaraluarpoq, kisianni kronprinsip anniarnini ippassaq nammagilerpaa, Københavns Universitetillu silaannaq pillugu ataatsimeersuartitsinera Bella Centerimi ingerlanneqartoq ippassaq marlunngornermi ullup qeqqata siornatigut ammariarlugu Rigshospitalimi pilatsittariaqarsimavoq.

Pilatsinnera ajunngitsumik ingerlavoq, nakorsallu kronprins Frederiup sisamanngornermi angerlartinnissaa naatsorsuutigaat.

Sapaatit akunnerini arfinilinni gipseqassaaq, pilersaarutaanili peqqissarnissaq periarfissaqarfiuallaanngilaq.

Kunngikkormiut naatsorsuutigaat Frederiup piffissami aggersumi pilersaarutini pisussat tamaasa naammassissagai, ilaatigut dronningikkut eqqumiitsuliortunut kulturimillu suliaqartunut qititsitsinissaat 17. marts Christiansborgs Slotimi pisussaq aamma qaammatip matuma naajartornerani USA-mi angalanissaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER