Tuapannguani blokki 60-ikkornisaq
Tuapannguani blokki kingulliugallartoq aserorterneqarluni piuneerutsinneqarpoq.
Blokkit 60-ikkut naajartulersut sananeqartut ukiuni 40-ni atareerlutik ataasiinnarmik amiakkoqalerput. Blokkit nutaarsuit arfineq-marluk inissaqartinniarlugit blokkit sisamaasut ilaat pingasut piiarneqarput. Taartissaasa ilaat tallimat napparneqareersimalerput.
Blok S 2007-ip aasaani siullersaalluni aserorterneqarpoq, ippassarlu blok Q kingulliugallarluni peeruppoq.
Blok T kiserngoruppoq qaqugulu taannan piiarneqassanersoq ilisimaneqanngilaq, 2004-mi aallartittumik nutarterneqarami 50 milliuunit sinnerlugit nalilimmik.
Blok Q-p naggatissaa tikillugu assiliisutta Jørgen Chemnitzip malinnaaffigaa.
Assit uani i isiginnaarsinnaavatit.