Skip to main content

Nannut Qeqertarsuup eqqaanit misissorneqassapput

Kalaallit Nunaanni Pinngortitaleriffik nannunik sikumi saatsersumiittut Qeqertarsuup Diskollu kitaaniittumiittut apriilimi ilisimajunnaarsillugit nalunaaqutsersussavaat.

Nannut qulimiguulimmiit aallaallugit ilisimajunnaarsinneqartassapput, radiokkut aallakaatitsissummik sikumi sumut ingerlaartarnerannik nalunaartartussamik ikkussivigineqassapput.

Suliffeqarfissuit nunani tamani suliffiutilissuit imaani Qeqertarsuup Diskollu kitaani uuliamik ujaasinissaq soqutigaat. Kisianni nannut tamaani upernaakkut angalaartartut ilisimaneqarpoq. Nannut Baffinip kangerliumanersuaneersut upernaakkut kalaallit nunaata kitaata imartaata sikuata killingani nerisassarsiorlutik angalaartarput.

Kalaallit Nunaanni Ilisimatusarfiup nannut satellitikkut malittarinerisigut nannut imartami tamaani uuliasiorfiusussami qanoq angalaartigisarnersut paasiniarpaa. Misissuineq tamaani pinngortitap uumassusillillu aatsitassanik misissuinermit qanoq sunnerneqartigisinnaanerisa nalilersorneqarnissaanut tunngaviusussamik misissuinernut arlalinnut ilaalluni tunngaviusussaavoq.

Kalaallit Nunaanni Pinngortitaleriffiup Uummannap eqqaani Niaqornani misissuiffigisaani aallaaveqarlutik Kalaallit Nunaanni Pinngortitaleriffimmiit Oslomilu Universitetimiit nannunik biologit Air Greenlandip qulimiguulia atorlugu Baffin Bugtimi sikumi saatsersumi nannunik ujaasissapput.

Nannut ilisimajunnaarseriarlugit radiokkut allakaatitsissumik atortulerneqassapput, taakkua satelliti atorlugu sumiinnerat nalunaartassavaat. Nannut arnavissat inersimasut arfineq-pingasut radiukkut aallakaatitsissumik qungasequtserneqassapput, angutivissat inersimasut 10-it mikinerusullu siutimikkut allakaatitsissuteeqqamik ikkussivigineqassallutik. Nannut tamarmik aamma siutaasigut nalunaaqutserneqarlutillu sigguisa alliit iluatungaatigut normumik kakiortinneqassapput, taamaalillutik Kalaallit Nunaanni Canadamiluunniit kingusinnerusukkut pisarineqassagaluarpata ilisarineqarsinnaasunngorlugit.

Nannut Kalaallit Nunaanni nalunaaqutserneqartut normuata sioraani "D"-mik nalunaaqutaqassapput, Canadami nalunaaqutserneqartut normup sioraani "X"-imik nalunaaqutserneqasallutik.

Ilisimatuut nannut apriilimi nalunaaqutseriikkatik ilisarisinnaajumallugit taamalu marloriarlugit pisarineqannginniassammata uppataatigut qalipaammik angisoorsuarnik normulersorneqassapput.

Ilisimajunnaarsaat nannut ilisimmareernerisa kinguninngua nannup timaaniit nungussaaq. Taamaakkaluartoq nanoq nalunaaqutserneqarsimasoq nalunaaqutserneqarneraniit ullut 45-it siulliit pisarineqassagaluarpat neqaata nerineqarnissaa inassutigineqanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER