Skip to main content

Sammisaq: Peqqissaasut iluamik pineqartariaqarput

Peqqissaasussaaleqineq qaangissagutsigu akissarsiarissaarnissaq kisimi pingaaruteqanngilaq. Atugassarititaasut aamma pitsaanerusariaqarput, taamatut universitetimi sammisami tikkuaasoqarpoq.

Danmarkimiit aallannginnermiit ilisimatitsissutit Kalaallit Nunaanni pissutsinut naapertuutinngitsut, peqqissaasullu illussat pitsaanngippallaarnerat pissutigaliugu Kalaallit Nunaanni peqqinnissaqarfimmi suliumanngitsut.

Kalaallit Nunaanni peqqissaasussaaleqineq iluarsiivigineqassappat ilaatigut tamakku qanoq iliuuseqarfigineqartariaqarput, Julie Præst universitetimi sammisamini »Rekruttering af sygeplejersker til det grønlandske sundhedsvæsen«-imi taamatut erseqqissaavoq.

– Akissarsiat ajornartorsiutaanerarneqartarput, allalli aamma ilanngullugit isigineqartariaqarput. Soorlu nammineq inuttut sulinikkullu ineriartornissaq, inigissaarneq ilisimatinneqartarnerlu, Julia Præst, peqqissaasutut ilinniarsimasuusoq qanittukkullu aamma allaffissornikkut kandidatinngortoq oqarpoq.

Peqqissaasut Danmarkimiit Kalaallit Nunaalialinnginnerminni paasissutissinneqartarnerat amerlasuutigut amigaateqartarlunilu annikippallaartarpoq.

– Ilaat angerlartarput, illussat neqeroorutigineqartut naammaginnginnamikkit. Paasissutissat peqqissaasut namminersornerullutik oqartussani sulisuniit pissarsiarisartagaat naammaginartinneqartanngillat. Ilaasa paasissutissat atorfininngikkallaramik pissarsiarisimasatik pissusiviusunut naapertuuttutut isigisanngilaat, Julie Præst nassuiaavoq.

Eqqunngitsumik paasissutissiisarnerup Kalaallit Nunaani peqqinnissaqarfik avammut ajoqusertarpaa, siunissami peqqissaasussasiniartarneq suli ajornakusoornerulersillugu.

– Inuit pitsaasumik pisarnerat tusaamaneqarnermut iluaqutaasartorujussuuvoq. Inuimmi oqaloqatigiittarput,peqqissaasullu iluamik ilisimatinneqarsimanngippata eqqunngitsumilluunniit pineqarsimasutut misigisimappata, pissutsillu oqaatigineqartutut issimanngippata tamakkua tamamik Kalaallit Nunaata tusaamaneqarneranut sunniuteqarnerluttarput, Julie Præst tikkuaavoq.

Sammisaq pillugu Sermitsiaq normu 12. atuaruk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER