Internettip sukkatsinnera akiligassatigut malugisinnaavat
Tele Greenlandip netkabelimut siunissami atasinnaasumut 1,2 miliardinik aningaasaliinera utertinniartussaavoq, illillu nettimi atuinerit mianersuutinngikkukku akiligassannut malinnaasinnaajunnaaratarsinnaavutit.
Tele Greenlandip Brian Buus Pedersen nassuiaavoq Tele ulluni makkunani anernikulluttoq. Ukiuni kingullerni immap naqqatigut kabeliliinerinnarmut aningaasaliissutit 1,2 milliarder kroninik naleqarsimapput. Taamalu qanorluunniit assallakkaluaraanni atuisartut akiligassaraat.
- Allanit allaanerungaannngilaq, soorlu benzinamik atuinerit nammineq akilertussaavat, imaluunniit innaallagissamik atuinerit. Atuineq annikillisikkaanni akiligassat aamma ikilinissaat pissusissamisoorpoq, Brian Buus Pedersen nassuiaavoq. Taassumali aamma naatsorsuutigaa piffissap ungaasippallaanngitsup ingerlanerani abonnementi qummut qaffasinnerpaaffissartalik pisiarineqarsinnaalissasoq, taamaalilluni telemut akiligassat annertoorujussuanngorsinnaanerat pinngitsoortinneqarsinnaavoq.
www.kursusplanen.gl-imi programi computerinnut akeqanngitsumik downloadersinnaavat. Tassuunakkut trafikkimik qanoq annertutigisumik atuinerlutit qanorlu surfertiginerlutik malinnaaffigisinnaassavat. Programmi misiligarluarneqariigaasoq akeqanngivippoq.
Nuuk Ugeavisimi nr. 13 aamma atuaruk.