15-inik ukiulik efterskolimik ikuallatsitsisuuvoq
Atuartup mianersuaalliorneratigut Gribskov Efterskole sapaatip akunnerani kingullermi nunguilluni ikuallappoq.
Annonse
Dr.dk naapertorlugu taamak Nordsjællands Politit ilisimatitsipput. Atuartoq politiini killisiorneqareerpoq nassuerlunilu nammineq unnuk taanna pappiaqqat eqititikkat innermik ikereerlugit igalaakkut igissimagini.
Pappiaqqap ilamernga qalipa killinganut unissimavoq, tassanilu igitat allat kukussimavai. Taamaattoqarneralu mianersuaalliorujussuarnikkut ikuallaanermik taaneqartarpoq.
Ikuallanermi inunnik qujanartumik ajoqusertoqanngilaq, kisianni arlallit - aamma atuartut Kalaallit Nunaaneersut arfineq-pingasut - pigisatik tamarluinnangajaasa annaavaat.
Inuit katillugit 57-it qimarngussorneqarput Gilleleje Hallenimilu inissikkallarneqarlutik. Illorsuartavia nunguilluni ikuallappoq.