Skip to main content

Russit Qalasersuarmut sakkutuunik aallartitsiniarput

Rusland immikkut sakkutooqatigiinnik pilersitsiniarpoq Qalasersuup eqqaanut aallartinneqarsinnaasunik. Ruslandip Issittumik soqutigisaqariartuinnarneranut, aamma Danmarkip soqutigisaanut, sakkutooqatigiinnik pilersitsiniarneq ilaavoq.

Russit Sillimaniarnermut Siunnersuisooqatigiivisa oqaaseqaataat malillugu Qalasersuup eqqaa tassaassaaq Ruslandip 2020-mi "nukissaqarniarnermik tunngavissaa pingaarneq", dr.dk allappoq.

Issittumik soqutigisaqarnerup tunngavigaa uuliamik aamma qassimik pissamaatit annertuut immap naqqani nassaassaasutut isumaqarfigineqartut. Tamatumunnga ilutigitillugu ukiuni makkunani tamanna sumiiffik imaatigut tikikkuminarneruleriartorpoq uuliamik qalluinissaq eqqarsaatigalugu, tamatumunnga pissutaavoq nunarsuaq tamakkerlugu silaannaap kiatsikkiartornerata kingunerisaanik sikup aakkiartorneq.

Kalaallit Nunaat iluaqutigalugu Danmarki Qalasersuup eqqaatalu oqartussaaffigineqarneranut aalajangeeqataasussaatitaavoq. Ruslandip saniatigut aamma Canada, USA aamma Norge tamaani soqutigisaqarput. Taakkulu aalajangiussimavaat sakkulersornertaqanngitsumik iluarsiisoqarnissaa.

Majori aamma sakkutooqarnermik nalilersuisartoq Henrik Jedig Jørgensen, Dansk Institut for Militære Studierimik sullissisoq oqarpoq, nammineq isummani malillugu tamaani sakkoqarneqqusaattoqarnissaa ilisimaginagu.

- Russit illersornissaminnut sakkutooqatigiivi killeqarfimmik illersuisussanut ilaapput, taakku Ruslandip killeqarfia illersortussaavaat, kiisalu sakkutooqatigiit killeqarfimmik illersuisussat imaanngillat saassussinermut atorneqarsinnaassut.

- Illuatungaatigut qularutissaanngilaq, Danmarki nunallu allat sakkutooqarnikkut amerlisaappata, taava aamma Rusland taamatut periarfissaqarpoq, kisianni uanga tunngaviatigut isumaqarpunga russit nunarsuaq tamakkerlugu ileqqussat malillugit eqqissisimasumi pissasoq, Henrik Jedig Jørgensen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER