GU-mi inussiaateqarneq inerteqqutaalerput
Qeqqata Ilinniarnertuunngorniarfiani atualeqqaarfissiortitsinerit nikanarsaataasarsimapput. Ukiumi siullermi ilinniagaqalersunut atualeqqaartitsilluni ileqqut ima sakkortutigilersimapput, qullersat tamakkua ilinniarfimmi inerteqqutigilersimallugit.
Ukioq siulleq ilinniartunik qinngasaariuartarnerit, ernguttarnerujussuit, imermillu seqqitsarneqarnerup kingorna mobilit aserukkat, tamakkua Nuummi Qeqqata Ilinniarnertuunngorniarfiani ilinniartitsisunut qullersanullu ingasappallaalersimapput.
Ukiorpassuarni ileqquusimavoq Qeqqata Ilinniarnertuunngorniarfiani 3. g-mi ilinniagaqartut ukiumi siullermi ilinniagaqartunik ilinniarnertuunngorniarfimmi »inussiaateqartarnerat«. »Inussiaatillit« ukiumi siullermi ilinniartut piumasaminnik iliuuseqarfigisinnaasarsimavaat.
Atualeqqaartitsillunili ileqqut sakkortuvallaalersimapput, ilinniarfimmilu »inussiaateqartarneq« inerteqqutaalersimavoq. 3. g-mi ilinniagaqartut maanna festernerni peqataaqqusaajunnaartalerput ilinniarnertuunngorniarfimmillu anisitaasinnaalerlutik, ukiumi siullermi ilinniagaqartunik qinngasaarisarpata.
– Ilumoorpoq ilinniarnertuunngorniarfimmi inussianik festertitsinernik taaneqartartut inerteqqutigileratsigit. Uanga ilinniartitsisullu isumaqarpugut nikanarsaataasoq, nikassaataasoq ataqqinninnginnerusorlu 1. g-mi ilinniagaqartunik inussiaateqarneq assigiinngitsunillu nikanarsaasarneq, Nuummi Qeqqata Ilinniarnertuunngorniarfiani rektori Henning Ditlevsen oqarpoq.
Sinnera Sermitsiami atuaruk...