Neriuffinnut nipitittagaq
POST Greenlandip 2009-mi ajunngitsuliortunut nipitittagaliaa kræftimik eqqugaasimasunut tunngatinneqarpoq.
POST Greenland ukiut tamaasa nipitittakkamik 50 ørimik akitsukkamik saqqummersitsisarpoq, isertitallu ajunngitsuliornermik siunertanut tunniunneqartarlutik. Ukiormanna Neriuffiit Kattuffiat katersuiniunneqassaaq.
– Aningaasat qujarutissaqaagut, atorniapavullu Kræftens Bekæmpelsip quppersagaanik kalaallisuunngortitsinermut. Ilaat nerisanik peqqinnartunik akoorutissanillu navianartunik paasititsiniaanermut atorniarpavut, siulittaasoq Johanne Olsen unnersiorpoq.
Nammineq kræftimik nappaateqartuuvoq, ajorunaartutulli naatsorsuunneqarluni, namminerlu nalunngilaa qanoq paasissutissat qaammarsarneqarnerlu atorfissaqartigisut.
Ukiup aappaa-qeqqa marlulluunniit ingerlaneranni nipititakkat akitsukkat tuniniarneqartarput, isertitallu assigiinngiiaartartut, tuniniaanermi pisortaq Allan Perrti Frandsen oqarpoq.