Skip to main content

'Politikerip nersorneqarnera kalaallit akisunaarpaat'

Danskit tusagassaqartitsiviisa palasi politikerilu Jonathan Motzfeldt pillugu atuakkiap akisunersua orullutigaat.

Kalaallit akileraartartut atuakkiap 'Jonathan Motzfeldt - asimiuaraq, palasi, ittortaq, avammut nittarsaassisoq' saqqummersinnerata akiligassartaa akisunaarpaat, Politiken allapppoq.

Aviisi naapertorlugu atuakkiortoq Peter Frederik Rosing jonathan Motzfeldtimut tusagassiorfinnut saqqummersussanut siunnersortaavoq.

Atuagaq danskisut 1.300-nngorlugit allallu 1.000-it kalaallisuunngorlugit tunineqarsimasoq novembarimi saqqummermat danskimit naliliisartumit isornartorsiuinertaqanngitsumik sapiitsuliortumik taalliornermik taaneqarsimavoq.

Oqaluttuarisaanermik ilisimasalik Mogens Rüdiger danskinit kisiartaalluni atuakkamik Berlingske Tidendemi naliliisuusimavoq. Taassuma pingasunik ullorialerpaa, aamma oqarpoq, nammineq Aalborg Universitetimi atuartitsinermini atornaviarnagu, P1-mi aallakaatitassiami 'Orientering'-mi ilisimatitsissutigineqarpoq.

Akileraartartut akiligaannik pineqartup tusagassiorfinnut saqqummernissamik siunnersortigisimasaanit poltikerimik sapiitsuliortunngortitsineq maana Danmarkimi eqqarsaatigineqarsinnaanngilarluunniit, Marianne Krogh Andersen Weekendaviisimi ilaatigut Kalaallit Nunaannik ilanngutassiisartoq 'Orientering'-imut oqarpoq.

»Kalaallit Nunaanni pilitikeri ukiuni 30-ini sunniuteqarnerpaaq pillugu atuakkiaq pineqartillugu taassuma politikkikkut angusimasaasa misissuiffiginissaat nalilersorneqarnissaallu naatsorsuutigineqarsinnaagaluarpoq, kisianni taamaattoqanngilaq«, Marianne Krogh Andersen oqarpoq.

Motzfeldt pillugu atuakkiap saqqummersinneqarnissaanut nuannaarlutik tapiissuteqartunut ilaavoq Namminersornerullutik Oqartussaq Inatsisartullu, taakku tamarmik immikkut 125.000 koruuninik tunniusspput, soorluli kalaallit nunaanni kommuni katillugit 150.000 koruuninik tapiissuteqarsimasut.

Danskit akileraartartut aamma Motzfeldt - namminersornerulluni oqartussaaneq 1979-imi eqqunneqarmat nunami siullersaalluni naalakkersuisunut siulittaasuusoq nalliuttorsiutigaat.

Kalaallit Nunaata aningaasaqarnerata annerpaartaa ataatsimoortumik tapiissutinit milliardilikkaanit Danmarkip ukiut tamaas akilertagaanit pisuuvoq.

Aamma piginneqatigiiffiit namminersornerusunit pigineqartut marluusut Royal Greenland aamma Royal Arctic Line tamarmik immikkut Motzfeldtip qaqugorsuarmut atuarneqarsinnaalerneranut 100.000 koruuninik tapiisimapput, KNR allapppoq.

Jonathan Motzfeldt inatsisartut siulittaasuattut ukioq kingulleq tunuarpoq, kinguaassiutitigut kanngunartuliorsimanermik pasineqarluni politiinut suliassanngortinneqarnermi kingorna. Politiilli kingorna suliassanngortitsissut unitsiinnarpaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER