Angajoqqaat akisussaapput
Angajoqqaat imigassamik ikiaroornartumillu atuinerisa kinguneranik meeqqat kaattarput. Qaasuitsup kommuniani innutaasunik ataatsimiititsinermi tamanna saqqummiunneqarpoq.
Qaasuitsup kommuniani innuttaasut ataatsimiineranni angajoqqaat nassuerput imigassamik ikiaroornartumillu atuineq ilaatigut pissutaalluni meeqqaat kaatsinneqartartut, KNR-ip radioaviisiani oqaatigineqarpoq.
Angajoqqaat ulluinnarni inuunerminni ikorfartorneqarnissamik pisariaqartitsillutik oqariartuuteqarput, taamaattumillu ilaqutariittut tapersersorneqarnissaq pisariaqartinneqarpoq, soorlu pikkorissartitsinikkut imaluunniit ilaqutariit højkolertinneqartarnerat aaqqissuussaanerusumik ingerlanneqartarnissaat ujartorneqarpoq.
Qaasuitsup kommuneani isumaginninnermut ataatsimiititaliap siulittaasua Bendt B. Kristiansen naapertorlugu aamma paasineqarpoq ilaqutariit aningaasatigut isertitakinnerusut nerisassanik isumaginninerat isertitaqarnersunit ilatigut ajunnginnerusartoq.