Nakorsaanertut atorfinikkaluarami - sunaaffa naami
DIH-ip atorfinitsitsisarnermi suleriaasia uiernartumik aqqusaareerlugu Fatuma Ali pakatsisimavoq.
Suleriaatsimi kukkunerup kingunerisaanik siusinnerusukkut Dronning Ingridip Napparsimavissuani A1-imi nakorsaanerusimasoq tassanerpiaq, tarnip nakorsaasa qullersaattut atorfinissanngilaq. Atorfik qinnuteqarfigisimavaa neriorsorneqarlunilu 1. apriili atorfininnissaminik. Taamatut allappoq knr.gl.
Qinnuteqartoq alla atorfinitsitsiniarnermi nalilersuinermut ilanngunneqarsimanngilaq, taannalu naammagittaalliutigineqarmat atorfinitsitsiniarneq aallaqqaataanit ingerlanneqartariaqarpoq.
Atorfik maannakkut inuttassarsioqqinneqarpoq, qinnuteqarsimagaluartullu siulliit marluusut arlaannaalluunniit atorfinitsinneqanngilaq.
Fatuma Ali Kalaallit Nunaanni ukiut arfineq pingasut sulisimavoq, taakkuninnga ukiut tallimat A1-imi nakorsaanertut.
Suliaq peqatigiiffimmut Foreningen af Speciallæger ingerlateqqissimavaa.