Skip to main content

Nuup qeqqani centerissaq nutaaq

Allakkerisarfitoqaq piiarneqassaaq allamillu allaffeqarfissamik niuertarfeqarfissamillu sanasoqassalluni.

Grønlandsbankenip allaffeqarfissami nutaap Nuummi Imanerup aamma aqquserngup pisuinnarfiup Naapittarfiup eqqaanniittup ungalui piiaqqammerpai.

Aningaaseriviup qillalaartuinnaasup igalaakkaasullu sanilini allakkerisarfitoqaq torerpasinngitsutut isikkoqalersippaalusooq.

Taamaaginnassanngilarli.

Niuertut arlaqartut maanna piginnittuanut niuertarfiutileqatigiinnut Pisiffimmut allakkerisarfitoqqap pisiarinissaanut isumaqatiginninniarput.

Pisiarinnnermut uppernarsaat 1. april atsiortoqareerpat illu piiarneqassaaq niuertarfissamillu aamma allaffeqarfissamik nutaamik pingasunik quleriittalimmik inuit pisuinnartut aqqutaata qeqqani sanaartortoqassalluni.

Pisisoq tassaavoq Nuuk City ApS, Hotel Godthåbimit Carl Juhlimit Helge Tangimillu, Max Christoffersenimit Restaurant Maximutimeersumit aamma Per Bjørkimit Vejle Rejserimeersumit pigineqartoq.

Isumaqatiginninniarnerit nalaanni qanoq isikkoqarnissaanik titartakkamik illussanik titartaasarfiup TNT-p titartagaanik Kommuneqarfik Sermersuumut Nuuk City nassitsivoq.

Pisiffiup allakkerisarfitoqaq 24 millioner koruunilerlugu pisiaraa Tele/Post Greenland maanna Telep allaffissuanut portusuumut nuummat.

Carl Juhl oqarpoq Nuuk Cityp pilersaarutai Pisiffiup pilersaarutigigaluaannut annertuunut, ilaatigut aamma illup naqqani biilinut unittarfeqarnissaanik ilaqartut, naleqqersuunneqarsinnaanngitsut.

– Illumik pingasunik quleriittalimmik sanaartortitsiniarpugut, taanna Grønlandsbankenip illorsuaanut tulluartuussaaq inuillu pisuinnarfiannut illorsuit naligiillutik kusanartumik aqqummik atuaassapput.

Carl Juhlip ilisimatitsissutigaa centerimi nutaami imerniartartarfeqarnissaa aamma nerisassaarniarfeqarnissaa pilersaarutinut ilaanngitsut.

– Allakkerisarfitoqqap inissisimanera illoqarfimmi torraanerpaavoq, Carl Juhl oqarpoq.

Tunisisup aamma pisisup allakkerisarfitoqaq maanna piiarneqartussaq nutaamillu sanaartorfigineqartussaq qanoq akeqarnersoq taarusunngilaat.

Kisianni soqutiginarpoq nunami arlaannaannilluunniit nunaminertamik piginnittoqarfiusinnaanngitsumi inissisimaffik pitsaasoq millioninik naleqarsinnaammat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER