Skip to main content

Folketingimi aalassanneq

Naalakkersuisut suleqatigiissitamik suligasuartussamik pilersitsinissamut meeqqanut kaattunut piaartumik suliniutissanik qularnaarinnittussaq pillugu siunnersuummut itigartitsinerat maanna toqqaannartumik kinguneqartussanngorpoq.

Sermitsiap kalaallit meerartaasa akornanni kaattoqartarneranik allaaserinninnerata kingorna Dansk Folkepartiip apeqquteqaat tunngavigalugu folketingimi oqallittoqarnissaa kissaatigaa. Søren Espersen naapertorlugu aprilimi pisussaavoq.

Kisianni ullumikkut suleqatigiissitamut suligasuartussamut naaggaarluni akissut Kalaallit Nunaannilu ataatsimut isigigalugit ajornartorsiutit peqqutigalugit inuuniarnikkut ajornartorsiutitmarsip 13-iani oqallisigineqaleriissapput. Tassa ulloq taanna folketingimi namminersorneq pillugu inatsimmut siunnersuutit oqaluuserineqassapput.

- Tasamani suliassarpassuit suliaralugit aallartinniarlugit periarfissaq tamanna atortariaqarparput, taamak partiip kalaallit nunaannut tunngasunut oqaaseqartartuat Søren Espersen oqarpoq.

Aamma Konservative-t naalakkersuisut naaggaarnerisa kingorna pissutsit eqqarsaatigivaat.

- Pineqartoq gruppetsinni marsip 10-ani oqaluuserissavarput, kalaallit nunaannut tunngasunut oqaaseqartartoq Per Ørum Jørgensen oqarpoq.

Tassa namminersorneq pillugu inatsisissatut siunnersuutip oqaluuserineqarnissaa ullunik pingasunik sioqqullugu.

Søren Espernsenip naalakkersuisut inuuniarnikkut ajornartorsiutit pillugit pissusilersuutaat naammaginngilluinnarpai.

- Naalakkersuisut utoqqatsissutissaqartuaannarput, kisianni ajornartorsiutit takorusunnagit, Espersen oqarpoq.

Taassuma naalakkersuisunut siunnersuutigaa akisussaaffimminnik takutitsisariaqartut aammalu ilumut meeqqanik kaattoqarnera piviusuusoq paasillugu.

- Qanormi meeqqat atuartuusut tamaasa akeqanngitsumik nerisittaleraanni. Tamatumunnga ataatsimiitsitaliortoqartariaqanngilaq, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER