Skip to main content

Misissuisoqarnissaa piumasaraat

Thulemi sulisimasut qinngornernik ulorianartunik qinngortissimasut peqatigiiffiat - Foreningen af Strålingsramte Thulearbejdere - isumaqarpoq 68-imi ajutoornerup misissorluarnissaa pisariaqartoq.

Siulittaasoq Jens Zinglersen Uusaqqak Qujaukitsoq Qaanaameersoq peqatigalugu folketingip Kalaallit Nunaat pillugu ataatsimiititaliaa marlunngormat ataatsimeeqatigaat.

Ataatsimiititaliaq ilisimatippaat Thulemi sakkutooqarfiup eqqaani ukiut 40-t matuma siornatigut timmisartup nakkarneratigut ajunaarnersuup kingunerinik.

Uusaqqak Qujaukitsup ilisimatitsissutigai ukiut 40-t sinnerlugit matuma siornatigut piniartut namminneq takusaat timimikkullu misigisaat.

- Uumasunik toquinnarsimasunik asiusunik tamanna takusassaqartitsivoq, oqarpoq.

Aammali ataatsimiititaliamut ilisimatitsissutigai Nunatta Avannaarsuani inunnut ajoqutinik tamanna qanoq kinguneqarsimanersoq.

- Amitsigut nappaateqalernermik aamma ammaannartunik ikeqalernikkut uagutsinnut inunnut tamanna kinguneqarpoq, naqissusiivoq.

Isumaqarpoq Nunatta Avannaani misissuivimmik laboratoriamik peqalertuuppat pitsaassagaluartoq, timmisartup nakkarnerani qinngornernillu ulorianartunik siammarterinerup qanoq kinguneqarsimaneranik qulaajaasussamik.

Jens Zinglersen mianersortunnguamik neriuuteqarpoq.

- Neriuutigaarput kikkunnulluunniit attuumassuteqanngitsumik misissuisitsinissaq, Thulemi sulisimasut siulittaasuat oqarpoq. Nassuerutigaali tamatuma piviusunngortinissaa ajornarsinnaasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER