Skip to main content

Umiarsuarnik takornariartut amerleriaqqipput

Akileraartarnermut Pisortaqarfimmiit kisitsisit nutaat takutippaat Kalaallit Nunaat siorna takornarianik umiarsuarnut takornariartaatinut ilaasunik 28.891-inik tikeraarneqarsimasoq. Ukiunut siuliinut sanilliullugit amerlanerupput.

- Ineriartorneq tamanna iluarisimaartorujussuuarput tamatumammi uppernarsarpaa nunarput annertuumik tunniussassaqartoq, kiisalu kalaallit takornarianik sullissisut pissutsinut nalimmassarnissamut pikkorissuusut kiisalu tuniniakkaminnik sullissinerminnillu ineriartortitsisartut, suliniutinut aamma attaveqaqatigiinnermut pisortaq Anders la Cour Vahl, GTE-meersoq oqarpoq.

Nunarsuaq tamakkerlugu aningaasaqarniarnikkut ajornartoorneq isigalugu kiisalu angalanerni aqqutit aamma taamaatiinnakkat eqqarsaatigalugit, GTE-mit takuneqarsinnaapput ilisarnaatit siulliit ilimasulersitsisut ukioq manna, ukiunut siuliinut sanilliussilluni, taamak annertutigisumik amerleriartoqarnaviarunanngitsoq.

- Pissusiviusut tunngavigalugit eqqoriaasagaanni ilimanarsinnaavoq amerliartornerat ukioq manna unissasoq, aamma immaqa imaalluarsinnaavoq annikitsumik appariartoqarnera misigigipput. Taamaattumik pissutissaqarluarpugut siusinnerusumik sanilliussilluta pitsaanerusumik iliuuseqartaqartariaqarnerput, taamaalillu tikeraarusunneqarnerput attatiinnasinnaavarput, Anders la Cour Vahl nalilersuivoq.

Hotelit pitsassuit imaatigut angalasartut tikittarnerinit ukiumoortumik kisitsisit saqqummiunneqarnerannut ilutigitillugu taava GTE-p aamma Kalaallit Nunaanni Naatsorsueqqissaartarfiup atuisarnermik misissuineq naammassingajalerpaat, misissuinermi peqataapput umiarsuarni takornarianik angallassisartuni ilaasut 1052-it umiarsuarnit assigiinngitsunit tallimaneersut.

Naak misissuinermi peqataasut amerlassutsimikkut taamaalillutik naammanngikkaluartut sulilu naammassineqanngikkaluarluni takussutissiikannerpoq, agguaqatigiissitsilluni takoriap umiarsuarnut takornarianut angallassisartunut ilaasup ataatsip katillugit 2.200 koruunit tammajuitsussanut, angalanernut, nerisaqarnermut aamma imeruersaatinut kiisalu pisiassanut/sullissinernut allannut umiarsuarmut ilaalluni angalanerup nalaani atortarai. Tamakku saniatigut nalinginnaasumik Nunarput sinerlugu angalanermut ullut qulit atorneqartartut.

Misissuineq taamaattoq siullerpaamik Kalaallit Nunaanni ingerlanneqarpoq, naatsorsuutigineqarpoq ukioq manna aamma ingerlateqqinneqarnissaa.

Kalaallit Nunaanni Takornariartitsinermut Inuussutissarsiornermullu siunnersuisooqatigiit umiarsuarnik takornarianik angallassisarneq pillugu isumasioqatigiinnermik pingasunngornermi ingerlatsissaaq Kalaallit Nunaanni takornarianik sullisisartut tamaneersut peqataasoralugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER