Skip to main content

Rekortiliineq: 21-t naammassipput

Bachelorinngortut aamma kandidatinngortut 21-t tallimanngormat ullaap tungaa Ilisimatusarfiup ukiumoortumik nalliuttorsiorneranut atatillugu nalliuttorsiutigineqarpit. Ilinniakkamik naammassinninnermut uppernaarsaatit naammassisorpassuarnut Ilimmarfimmi tunniunneqarput.

Ilisimatusarfimmi Ilinniakkamik naammassinninnermut uppernaarsaatit tallimanngormat ullaap tungaani Ilimmarfimmi agguaaneqarput. Ilimmarfiup kantiina inuppassuarnik ulikkaavippoq bachelorinngortut aamma kandidatinngortut 21-t oqalugiarnertalimmik aamma erinarsoqatigiinnermik nalliuttorsiutigineqarmata.

- Universitetip oqaluttuarisaanerani soraarummeerlutik allagartartaartut aatsaat taamak amerlatigipput, rektor Tina Pars Ilimmarfiup Kantiinaanut takussimasunut oqarpoq.

Kandidatinngortut aamma bachelorinngortut makkuninngaanneerput Ingerlatsinermut Institutti, Inuiaat Piorsarsimassusaasalu Oqaluttuarisaanerannik Instutti, Inerisaavik Ilinniutsinik Ilisimatusarnermut Institutti, Oqaasilerinermut, Atuakkialerinermut, Tusagassiuteqarnermut Institutti kiisalu minerunngitsumik Upperisarsiornermut Upperisanullu Institutti.

Aatsaat siullerpaamik Kalaallit Nunaanni Sulisitsisut Peqatigiiffianniit ilinniagaqartumut universitetimi ilinniakkamik ingerlatsinermini angasaqarluarsimasumut akissarsititsisoqarpoq. Akissarsiaq 5.000 koruuninik aningaasartaqartoq 27-nik ukiulimmut Niels Thomsenimut Ilulissaneersumut tunniunneqarpoq, taanna kandidatingorpoq ukiup affaanik sioqqutilluni, naammassissutigalugulu allaaserisimasaa tassaavoq "Grønlands samfundsstruktur i et nationalt og globalt perspektiv." (Kalaallit Nunaanni inuiaqatigiit aqqissuussaanerat nunami namminermi aamma nunarsuarmioqatigiinnit isigalugu)

– Uanga assut tupaallappunga killitsillungalu paasigakkut akissarsitinneqartussaallunga. Tamanna uppernarsaataavoq uanga ilinniagaqartutut kiisalu inuttut assut ineriartorsimaninnut kiisalu suliarisimasama pitsaagineqarneranut. Assut nuannerpoq, tunniussinerup kingorna Niels Thomsen nuannaarluni oqarpoq.

Erinarsoqatigeereernerup oqalugiarnerpassuillu kingorna aggersimasunut kaffeqarlunilu kaageqarpoq. Bachelorinngortut aamma kandidatinngortut 21-iusunit takkussimasut 18-nit allagartaartut assiliisorpassuarnik assiliseqattaarput.

Unummut Ilimmarfiup kantiinaani Ukiumoortumik nallittorsioqatigiilluni nerersuaqatigiittoqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER