Skip to main content

Niels Thomsen mailikkut ajortisaarneqarpoq

Mailimi tusagassiorfinnut nassiunneqartumi oqaatigineqarpoq Niels Thomsenip Ilisimatusarfimmi naammassissutimisut allaaserisaa ilisimatusarneq tunngavigalugu uppernanngitsoq. Ilisimatusarfiup rektoriata Tina Parsip pisuutitsiniarnerit tamaasa ilumuunnginnerarpai.

Tusagassiortut akornanni mailimi ingerlaartumi oqaatigineqarpoq inatsisartunut qinigassanngortittup NIels Thomsen universitetimi naammassissutimisut allaaserisaa tassaasoq »Grønlands samfundsstruktur i et nationalt og globalt perspektive« ilisimatusarneq tunngavigalugu uppernanngitsuusoq. Pisuutitsiniarneq tamanna rektorimit Tina Parsimit sakkortuumik ilumuunnginnerarneqarpoq.

Saqqummiunneqartut ilaanni oqaatigineqarpoq Niels Thomsenip ilitsersuisuata aamma censoriusup eqqumaffigisimanngikkaat kiisalu apeqqusersimanagu Niels Thomsenip paasissutissanik pissarsiffimminik aallaqqaasiutimini atuisimanera. Tusagassiorfinnut mailimik nassiussisoq, naammassissutitut allaaserisap qupperneri siulliit 30-it atuareerlugit, isumaqarpoq Niels Thomsenip innersuussinernik akulikitsunik atuinera allaaserineqareersimasunik assiliinertut oqaatigineqarsinnaasut.

– Ilisimatusarneq tunngavigalugu isiginnilluni atuakkanut sammisamut tunngassuteqartunut innersuussinerit ilisimatusarneq tunngavigalugu suliaqarnermut pisariaqartuupput. Taamaaliornikkut takutinneqartarpoq ilinniakkami pineqartoq ilisimasaqarfigineqartoq kiisalu tamakku tunngavigalugit ilisimasat naluneqanngitsut tunngavigalugit ingerlatseqqissinnaaneq ajornanngitsoq. Tamanna Niels Thomsenip naammassissutigisamisut allaaserisaani malinneqarpoq, Ilisimatusarfiup rektoria Tina Pars allappoq.

Tusagassiorfinnut mailimi aammattaaq apeqquserneqarpoq Ilisimatusarfimmi atorfillit kiisalu taakku ilinniartitsisarnerat piginnaasanik naammaginartunik tunngaveqartuunersut.

– Niels Thomsen naammassissutigisamisut allaaserisaminik suliarinninnermini Ilisimatusarfiup Ingerlatsinermik ilisimatusarfittaani lektorimik PhD. Pia Vedel Ankersenimit ilitsersorneqarpoq kiisalu naammassissutigisatut allaaserisamik nalilersuisoq tassaavoq Aalborg Universitetimi, Institut for Samfundsudvikling og Planlægningimi professori Arne Remmen. Ilisimatusarfiup Ingerlatsinermik ilisimatusarfittaani naammassissutigisatut allaaserisanik allanillu nalilersuinermi ilaatigut maleruagassat atorneqartartut tassaapput taaneqartartut The Caltech rules. Taakkuninnga allaaserinnittoq tassaavoq Barry R. Weingast, Stanford University, rektori Tina Pars nassuiaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER