Skip to main content

Iisartakkanik imminoriartut amerliartorput

Imminoriartartut amerliartuinnartut iisartakkanik pisiarineqarsinnaasunik imminoriartarput. Tamanna imminorniartup tinguanut peqqissusaanullu assut innarliisiisinnaasarpoq.

Imminoriartut amerlanerpaartaat Dronning Ingridip Napparsimmavissuanut unitsinneqartartut pissuteqartarput nakorsaatinik nipaallisaatinik paracetamolimik akulinnik amerlasuunik iisisimanerat. Paracetamol stoffiuvoq, nipaallisaatini niuertarfinni pisiarineqarsinnaasuni amerlanerpaani akuusartoq.

– Isumaqarpunga imminoriaatsit allanngorsimasut. Inuppaaluit imminoriarsimasut Dronning Ingridip Napparsimmavissuanut unitsinneqartarput. Amerlanerpaat iisartakanik imminoriartarput, amerlanerpaallu arnaasarput nakorsaatinik toqunartutorlutik unitsinneqartartut, Dronning Ingridip Napparsimmavissuani tarnikkut nappaatilinnut immikkoortoqarfimmi A1-imi nakorsaaneq Helle Charlotte Knudsen oqarpoq.

Annertuumik pamolitorneq tingumut ataavartumik ajoqqusiisinnaavoq.

– Paracetamolimik annertuvallaamik iisisimagaanni napparsimmavimmut unitsinneqartariaqarpoq ingerlaannarlu akiuussutissamik pissalluni. Paracetamolimik toqunartutorluni toqugaanni, tamatumunnga pissutaavoq tinguup atorsinnaajunnaarnera, toqujartornerlu sivisusarpoq annernarlunilu, tarnikkut nappaatinik ilisimasalik Helle Charlotte Knudsen oqarpoq.

Nipaallisaatinik Pamolinik imminoriarnikkut tinguk ajortorujussuarmik ajoquserneqarsinnaavoq tingulersinnissarlu pisariaqarsinnaasarpoq.

Tingut aserorsimappat taamaasillutit inuunerpit sinnerani nerisassanik aalajangersimasuinnarnik nereqqusaalernermik kinguneqarsinnaasarpoq saniatigullu imigassartortoqaqqusaajunnaartarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER