Hans Holm toquvoq
Radiomi suleqataasimasut ilaat Hans Holm arfininngornermi 28. februar toquvoq 80-inik ukioqarluni.
– Hans Holmip radiokkut aallakaatitassiortarnermini pingaartitaraa kalaallisut oqaatsitta torersumik atornissaat. Aallakaatitassiorluni angalanerpassuarmini sinerissap ilaani aqqit sumiiffiillu ilisaritittarpai, KNR allappoq.
Hans Holmip KNR-imi atorfeqarnermi saniatigut inuusunnerugallarami timersortartuuvoq Nunatsinnilu Timersortartut Kattuffiata siulersuisuini aamma ilaasortaasimalluni, Kalaallit Nunaatalu 1972-imi siullerpaamik Arctic Winter Gamesimi peqataanerani angalatitsisutut peqataalluni.