Skip to main content

EU-p inerteqquteqarnera piniartunik eqquissaaq

EU-mut puisip amianik eqqussinissamut inerteqquteqalivinnissaq qanilligaluttuinnarpoq. Nunatsinni piniartunut tamatuma kingunipiloqarnissaa KNAPK-p aarleqqutigaa.

Europa-parlamentip maanna isummerfigisussanngorpaa EU-mut puisip amianik eqqussisinnaanerup inerteqqutaalluinnalernissaa - puisit naalliutsitsinertaqanngitsumik pisarineqarsimanngippata.

Kalaallit Nunaat Norgelu inerteqquteqalernissamut akerliupput. Grønland og Norge kæmper mod indførelsen af importforbudet.

– Kisianni paasissutissiinissaq ajornartarpoq misigissutsinut tunngasunik naammattuinermi, oqarpoq norgemiut aalisarneq pillugu Bruxellesimi aallartitaat Poul Oma NRK-mut.

Norgemiut isumaqarput eqqussinissamut inerteqquteqalerneq norgemiut puisinniartarnerannik taamaatitsissasoq.

Nunatsinni piniartut aamma sakkortuumik eqqorneqassapput, naak suli periarfissaqassagaluartoq puisip inuit piniariartaasitoqaattut pisap amianik nioqquteqartarnissamut.

– Great Greenland ullumikkut 150.000-inik puisip amianik peqarpoq nioqqutigisinnaanngisaminik. Piniartut piniarnerinnarmik inuuniuteqartut sakkortuumik eqqorneqassapput puisip amiinik nioqquteqartarnerup annikilligaluttuinnarneratigut, aalisartut piniartullu peqatigiiffianni, KNAPK-mi, siulittaasoq Peter Olsen Sermitsiaq.gl -imut oqarpoq.

– Puisit amiinik niuerfissatsinnik nutaanik nassaartariaqarpugut piniartut siunissaat qulakkiissagutsigu. Tamanna ilaatigut pisinnaavoq aatsitassarsiornermik akuersissutinik tunniussinermi kalaallit nioqqutissiaannik atortoqartarnissamik piumaqartarnikkut, Peter Olsen oqarpoq.

– Piumasarisinnaavagut puisip amianik atisalianik aatsitassarsiornermi sulisut ukiukkut atortarnissaat kalaallillu nerisassaataannik nerisaqartarnissaat, Peter Olsen oqarpoq,

– Great Greenlandip nunatsinni nioqquteqartarnini aamma annertusartariaqarpaa. Kikkut tamarmik akisuunik piumasaqarneq ajorput. Nunatsinni nioqqutigineqarsinnaasunik nalinginnaasunik atisaliortoqarsinnaavoq naammaginartumik akilinnik, Peter Olsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER