Ilinniartut taamaatiinnartartut ikileriarput
Ilinniakkaminnik naammassinnittartut amerlanerulerput peqatigitillugulu ilinniakkaminnik taamaatitsiinnartartut ikileriarlutik.
– Ilinniakkaminnik taamaatitsiinnartartut ukiuni kingullerni ikileriarsimapput, tamatumunngalu peqqutaasinnaavoq, taamaatitsiinnartarneq annertuumik suliniutigineqarsimammat, taamalu ilinniarfiit taamaatitsiinnartarnerup annikillisinnissaa siunertarlugu suliniutinik assigiinngitsunik aallartitsisimapput, Kalaallit Nunaanni Naatsorsueqqissaartarfik allappoq.
– 2008 ataatsimut isigalugu 478-it ilinniakkaminnik taamaatitsiinnarsimapput, 289-it tunngaviusumik ilinniarfinni ilinniartuusimallutik, 119-illu piffissami sivikitsumi ilinniaqqiffiusuni ilinniartuullutik, 70-illu ilinniakkanik ingerlaqqiffiusuni ilinniartuullutik.
Ilinniakkaminnik naammassinnittarut amerliartorput, 2006-imi ilinniakkaminnik naammassinnittut 406-iusimallutik. Kisitsisit taakku 2008-mi 479-inngorsimapput.