Sikup unitsippaa
Imaq sikummat Royal Arcticip nunaqarfinnik kiffartuussiviata nunatta qeqqani ilaasunik angallassineq tamaat unitsippaa.
Annonse
Ilaasussat ulluni makkunani Royal Arcticip nunaqarfinnut kiffartuussivianit sianerfigisaqattaarneqarput, tassanngaaniit nutaarsiassaq nuanniitsoq oqaatigineqarluni, tassa Maniitsumiit avannamut Kangaamiut Itillerlu aqqusaarlugit Sisimiuliartussaq taamaatiinnarneqartoq. Umiarsuaaraq marsip 3-ani avannamut aallartussaagaluarpoq.
– Ullumikkut angalanissamut pilersaarutit nalinginnaasut malillugit qaqugu angalaqqilersinnaanissarput oqaatigisinnaanngilarput, kisianni Royal Arcticip nunaqarfinnut kiffartuussiviata sikup qanoq innera malittareqqissaarpaa. Royal Arcticip nunaqarfinnut kifafrtuussivia ilisimatitsivoq.