Issittuni inuuniarnermi atukkat tunngaviusariaqarput
Issittuni inuit inuuniarnerminni atugaat ukiut qulikkaarlugit misissuiffigineqartalersariaqarput, ilisimatuutut misissuisartoq oqarpoq.
Issittuni inuuniarnermi atukkanik misissuinissaq, SliCA 1997-imi isumassarsiarineqarpoq.
Misissuinerlu massakkut ukiuni qulini ingerlareersimalermat, angusanik sanilliussisinnaajumalluni apersueqqittoqarlunilu misissueqqittoqartariaqalerpoq. Ilaatigut 2001-imi Canadami paasisat pisoqalisuulereermata.
SLiCA-mik sulissutiginnittut ilaat, ilisimatusarfimmi ilisimatuutut misissuisarnerme pisortaq Birger Poppel, Ilisimatusarfimmeersoq taama isumaqarpoq.
– Ineriartorneq sukkasoorujussuummat paasissutissaatigut pisoqalisuulereerput. Ilaatigut Canadami 2001-imi misissuiffigineqarsimasumi, Birger Poppel oqarpoq.
SLiCA, isumaqartoq Survey of Living Conditions in the Arctic, aningaasarpassuarnik atuiffiusut ilagaat. Misissuineq 50 millioner kronit missiliorlugit akeqarsimavoq.
– Sikunik aserorterut atomtortoq aningaasat taakku atorlugit qaammatit arlerlugit angalasinnaanngilaq, inuiaqatiginnili pissutsit assigiinngitsorpassuit aningaasat taakku atorlugit misissuiffigineqarsinnaapput, Birger Poppel oqarpoq, isumaqarlunilu aningaasaliisuusimasut misissueqqinnissamut aningaasaliiseqqinneqarsinnaasut.
Sermitsiaq atuaruk - aamma issittumi inuniarneq pillugu Birger Poppelip isumaliutersuusaasa arlaliusut siullersaat.