Skip to main content

Juliane: Siulersuisuni arnat suli amerlanerusut

Arnat pisinnaatitaaffii amerlasuut qangali piviusunngortinneqareerput, kisianni suli sorsuutigissasaqarpoq, Juliane Henningsen IA-meersoq, Nuummi Nunarsuarmi Arnat Ulluat malunnartinniarneqarmat taamatut oqarpoq.

- Tunngaviusumik pisinnaatitaaffeqarpugut arnatut pisariaqartitatsinnik. Kisianni pisinnaatitaaffigut atorlugit politikkikkut sunniuteqarnerulernissarput anguniartariaqarparput. Taassuma saniatigut allanngortittariaqarparput massakkut piviusuusoq, tassa namminersornerusunit pigineqartuni selskabini siulersuisuni ilaasortat 80 procentiisa angutaanerat, tamanna allanngortittariaqarpoq, Juliane Henningsen knr.gl -imut oqarpoq.

Nunatsinni arnarpassuit ajunngitsumik ingerlalereersimasut kisitsisit takutippaat. Ilaatigut ilinniarnertik naammassisarpaat angutinullu sanilliullugit ataatsimut isigalugu ajunnginnerusumik ingerlallutik. Tassaassannginnerpat angutit ullormik sorsuffissaminnik atorfissaqartitsisut?

- Naligiissitaaneq isumaqarluartoq atussagutsigu, taava inuiaqatigiit angutinik arnanillu ajunnginnerpaamik ingerlasunik atorfissaqartitsivugt. Taamaattumik aamma isumaqarpunga arnat soqutigissagaat naligiissitaanermik suliniarnermi angutit peqataatinnissaat, taamaalilluta ataatsimoorluta oqallisigissagatsigu anaanat ataatallu ajunnginnerpaamik ingerlasut ilaqutariinni qanoq iliorluta pilersissanerigut, Juliane Henningsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER