Skip to main content

Katuami aamma Air Greenlandimi tamanut ammatitsineq

Unnuk Kulturisiorfimmi arfininngornermi inuppassuit peqataapput

Katuaq naliliivoq nal. 17.00 - 22.00-ip tungaanut inuit 1500-2000 tikillugit isersimasimasut.

Katuap suliffeqarfiit aamm apeqatigiiffiit neqeroorfigai paarlersuarmi nittarsaassinissaannik. Tamanna Alcoap, 8. Marts Gruppenip, Sanaartornermik Ilinniarfiup ilaatigut atorluarpaat, inuppassuillu soqutiginnillutik aggiapput.

Erinarsortartoq nipilersortartorlu Dida Heilmann aamma pædagoginngorniartut arlaqartut Hans Lyngep Inersuaani aallarniipput meeqqanut nipilersornermik timimillu aalatitsinermik.

Inuit nuannarinerpaavaat meeqqat kiinaannik qalipaaneq. Meeqqat 50-it 60-illu akornanniittut marlunniit arfinillit tungaannut ukiullit Katuap sulisuinit praktikantiinillu marlunnit kiinnamikkut qalipatsipput angajoqqaavilu assiliissutiminnik meeqqatik inequnartut assiliisaqattaarsuarpaat.

Air Greenland inuit unnuk kulturisiortut 2400-t tikilluaqquai. Allaffeqarfimmi Nuummi timmisartunut inissiisarfissuit, toqqorsivik, pilersaarusiornermut immikkoortortaqarfik aamma kantiina takornarianut ammavoq, ilaatigut inuit Dash-7-ip aquttarfiani issiasut assilineqarsinnaallutik, helikopterimi issiasut, Air Greenlandimi ilinniartitaanerit suunerannik paasissutissinneqarlutik, timmisartup atortuisa iluarsartuunnerannik takutinneqarlutik, Dash-7 qulaanit takutinneqarluni aamma takutinneqarpoq "radiomi nipi" kinaanersoq, tassalu pilersaarusiornermut immikkoortortaqarfimmi pigaartoq.

Nuummiut 1400-t arfininngornermi unnukkut ornigupput, tikilluaqquneqarpullu ilisimatinneqarlutillu Air Greenlandimi sulisunit 50-init namminneq piumassutsiminnik sulisuusunit, taakku tulluusimaarlutik soqutiginnilluarlutillu suliffeqarfitsik nittarsaappaat.

Aamma Ilulissani mittarfik ornigarneqarluarpoq, tassani Air Greenland Mittarfeqarfiit/Grønlands Lufthavnsvæsen peqatigalugu unnuk kulturisiornermi peqataanngaarpoq. Inuit 100-t missaanniittut unnuup ingerlanerani ornigupput sulisullu 20-t namminneq piumassutsiminnik sulisuusunit oqaloqatigineqarlutik, soorlu aamma helikopteri S-61 aamma GLV-p crashtender/qatserisartut biilit takutinneqartut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER