Skip to main content

OECD-ip nunat NORA-mut ilaasut misissueqqissaarfiginiarpai

Aningaasarsiornikkut suleqatigiinnissamik aamma ineriartortitsinissamik suleqatigiiffiup nunat atlantikup avannaaniittut tassaasut Island, Savalimmiut, Kalaallit Nunaat aamma Norgip sineriaa qanittukkut misissuiffiginiarpai.

Nunat Atlantikup Avannaaniittut Suleqatigiiffiata suliassat pillugit ataatsimiititaliaata decembarimi 2008 OECD-ip sinniisuinik ataatsimeeqateqarpoq. Taamatut NORA nutaarsiassatut allakkiamini allappoq.

Naatsorsuutigineqarpoq NORA aamma OECD suliniummik angusaqarfiulluartussamik aallartitsinissaat, tamatuma kingunerissavaa nunat NORA-mut ilaasut 2009-p aallartinnerani OECD-mit misissueqqissaarfigineqarnissaat.

Misissueqqissaarneq taamaattoq annertuumik misissuinerni uteqqiaffiusinnaasoq siullerpaajussaaq, tamatumalu imarissavaa nunani ukunani Kalaallit Nunaat, Savalimmiut, Island aamma Norgep Sineriaa politikikkut-aningaasarsiornikkut ataatsimut misissueqqissaarfigineqarnerat.

NORA-mit anguniarneqarpoq OECD-mit misissueqqissaarnerup nunat NORA-mut ilaasortaasut immikkut inissisimanerisa nassuiarneqarnissaanut iluaqusiiumaartoq, taamaalilluni nunat akunnerminni suleqatigiinnerat suli nukittorsarnerullugu.

Tamatumunnga ilutigitillugu aamma kissaatigineqarpoq misissueqqissaarnerup erseqqinnerulersillugu takutikkumaaraa nunani pineqartuni immikkut periarfissaqartoq, kiisalu nunarsuarmi nunanut allanut tunngatillugu tamatumunnga ilanngullugit nunat allat Avannaaniittut piginnaasaqarneq ersersinneqarumaartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER