Uuliap akii qaffalerput

Ikummatissat akii ataasingorpatmiit akitsussapput, kisianni benzinaanngitsoq, KNI/Polaroil ilisimatitsisvoq.

Ataasinngorpat februaarip 9-iani gasolie/deisel 5 øremik akitsorluni 4,22 kr.-imiit 4,25 kr.-inut. Petrolium aamma akitsussaaq, liiterimut 4,32 kr.-imiit 4,37 kr.-eqalissalluni. Benzinap akia allanngussanngilaq, liiterimut 4,27 kr.-eqaannassalluni. Taamak KNI/Polaroil tusagassiorfinnut nalunaarummi allappoq.

Akitunerit pilerput naak uuliap akuiarneqanngitsup akia 2008-imi aasaaneranut sanilliullugu qaammatit kingulliit appariarsimagaluartoq. Kisianni uuliap akuiarneqanngitsup akia kisimi atuisartunut akimut sunniuteqartuunngilaq.

– Uuliap akuiarneqanngitsup akiata saniatigut uuliap akuiarneqanngitsup akuiaaffinni suliarineqarnera aamma akiligassaavoq. Tamannalu amerikamiut dollariannik pisarpoq, taannalu imminik akitsorsaataasuusarpoq, taamak aningaasaqarnermut pisortaq Lars Møller Sørensen KNI A/S-imiit tusagassiorfinnut nalunaarummi erseqqissaavoq.

Taassuma aamma ilisimatitsissutigaa KNI A/S aamma Polaroil maannakkorpiaq ukiunut 2010-mut aamma 2011-mut nioqqutissat akuiarneqanngitsumillu akuiaavinnut isumaqatigiissutit naammassiniarsarigaat.

Powered by Labrador CMS