Utaqqisuniinnini pissutigalugu innarluuteqalersoq
Pauline Najaaraq Jeremiassen, Sisimiuneersoq, gigterpoq ukiunilu sisamanngulersuni seeqqumigut pilatsinnissani utaqqisimallugu
– Nikallungajanaaq pilatsinnissamut taamatut sivisutigisumik utaqqilluni, piffissallu ingerlanerani innarluuteqaleraluttuinnarpunga, Pauline Najaaraq Jeremiassen, ullumikkut ajaappialersimasoq oqarpoq.
Pauline Najaaraq Jeremiassen sivisuumik sulisartuusimavoq. Meeraalluni inuusuttuaraallunilu qatanngutini angut peqatigalugu aalisartuusimavoq piniartuusimallunilu. Katikkami atuarfimmi sulilerpoq asaasutut meeqqanillu uffaasartutut. Kollegia ammarmat tassani sulilerpoq, tassanilu sulilluni 69-inik ukioqalernissami tungaanut. Ullumikkut 74-inik ukioqarpoq ukiorpassuarnilu sulisartuusimanini malugisimallugu.
-Akuttunngitsumik nakorsiartarpunga tamatigut seeqqukkut anniartartorujussuugama. Ullormut iisartakkat katillugit arfineq-marluk iisarpakka, sisamat nipaallisaatitut. Aamma ukiup affaata missaa qaangiukkaangat seeqqukkut kapuummik kapitittarpunga. Tamanna iluaqutaasartorujussuuvoq anniarpallaarunnaartarama, Pauline Najaaraq Jeremiassen oqaluttuarpoq.
Pauline Najaaraq Jeremiassen inuit 892-it ilagalugit Dronning Ingrid-ip napparsimavissuanut suliaritinnissaminut utaqqisoq, Sermitsiami nutaami saqqummersumi atuark.